Walaʻau Sessions with Mākela
11:37 am - October 17, 2012
Ke Ola o ka ʻIke Hana Noʻeau
Note: English translation available below.
ʻAnoʻai kākou me ke aloha nui! ʻO kekahi noʻeau nui o nā moʻomeheu a pau, ʻo ia ke ʻano o ke kālai ʻana. Ma ke kālai ʻana i ka lāʻau, ka pōhaku a me nā mea ʻē aʻe, aia ma loko o kēia hana ka ʻike o ke ʻano o ka hui, ʻoiai ua pau loa ke kanaka o ia hui.
ʻO ka mea maikaʻi ma Hawaiʻi nei, ʻaʻole nō ke kālai ʻana he mea i pau loa i kēia mau lā. Eia naʻe, ʻaʻole i nui hoʻi nā kānaka kālai i kēia lā. ʻO kekahi mea hoihoi o ia mau kānaka kālai, e like me ka poʻe Hawaʻi noʻeau ʻē aʻe, ʻaʻole ia he mea hana noʻeau wale nō, he ʻano nohona. He mau kānaka e ola nei me kēia ʻano nohona. No ke kanaka hula, ʻaʻole mālama ʻia ka haʻawina o ka hula ma ka hula ʻana wale nō, mālama ʻia ma ka nohona kanaka. No ke kanaka hoewaʻa, ʻo nā haʻawina i aʻo ʻia ma ka waʻa, he mea no ke ola. No ke kanaka kālai, pili nā mea a pau i kāna hana. ʻAʻole ʻo ka hua wale nō ka mea nui, ʻo ke ʻano o ka hana ʻana mai kīnohi mai a i ka pau ʻana, he ʻoi aku ka waiwai.
Ua walaʻau au me Bernard D. Gomes, he kānaka kālai lāʻau, nona ka Hawaiʻi Wood Art & Crafts. He kānaka mālama ʻo Bernard ma ka Heiau ʻo Puʻukoholā a nui hoʻi kona hōʻihi i nā mea i aʻo ai iā ia mai kona mau kūpuna mai o ka moku o Keawe nei. Ua hānau ʻia ʻo Bernard ma Hilo Hanakahi a ua nānā pono i ka hana a nā kānaka kālai mai kona wā kamaliʻi hoʻi. Ma ia manawa, ʻaʻole nō ʻo ia i maopopo i ka nui o kēia hana ʻana me ke koʻikoʻi o ke aʻo i nā haʻawina ma kona ola, ʻaʻole ia he mea i hiki ke kūʻai wale ʻia.
ʻO ka haʻawina mua loa, ʻo ia ka hoʻohaʻahaʻa, e noʻonoʻo ke kanaka he haumāna nō ʻo ia o ke ola a pono e lohe ʻia nā manaʻo o nā kūpuna. ʻO kekahi haʻawina aʻe, ʻo ia ke aloha pau ʻole, e aloha a e ola ke kanaka me ka ʻino ʻole i kahe maʻemaʻe ke aloha. ʻŌlelo ʻo Bernard, he mea paʻakikī ke ola ʻana me ia mau haʻawina i kēia ao nei, me nā kānaka hopohopo wale i ke kālā. Akā, kia ʻo ia i kāna hana. Hoʻokaʻawale ʻo ia i ka mea pono ʻole o ke ao a hana wale. ʻO ia ke ʻano o kona ola.
E like me nā moʻomeheu ʻē aʻe, he ikaika hoʻi ka pili ʻuhane i nā mea a pau. Hoʻomaka ʻia ma ke koho ʻana i nā mea e kālai ai. Noho ʻo Bernard me kekahi ʻāpana lāʻau, pule ʻo ia, a hoʻolohe ʻo ia. ʻŌlelo ʻo ia, na ka lālau e haʻi ana iā ia pehea e kālai ai. ʻO ka mea nui o kāna hana, ʻo ia kona hoʻolohe pono ʻana. ʻAʻole ʻo ia kālai i kona makemake, kālai ʻo ia mai ka makemake o kona pili ʻuhane. He hana maoli ia o ka hoʻomau ʻana i nā mea Hawaiʻi.
No ka ʻikepili hou aʻe a pili ana i ke kālai lāʻau ʻana, e kipa iā www.hawaii-wood-art—-crafts.com, a i ʻole e kelepona iā Bernard Gomes ma 808-895-6340 a i ʻole e leka uila iā ia ma email@example.com. A hui hou me ke aloha!
na Mākela M. Bruno-Kidani, MFT
Keeping Traditions Alive
Greetings of aloha to one and all! One of the most revered ancient art in many cultures is the art of carving. Whether it be on wood, stone, or other materials, each culture has distinct carving patterns that are unique to that culture. Studying carved artifacts has helped to depict the values of a cultural group, even those that have been lost or long gone.
Luckily, here in Hawaiʻi, the art of carving has not been entirely lost to the modern age. However, there are only a few artists that have studied carving and actually continue this tradition today. The interesting fact is that, alike other Hawaiian artists, carvers do not look at their work as just “art,” it is a lifestyle. They are cultural practitioners. For a hula dancer, the values and teachings of hula is practiced not only during a performance, it is practiced throughout his or her entire life. For a canoe paddler, the lessons learned on the canoe are life lessons. For a carver,
everything is infused into their work. It is not only about the quality of the product, but the entire process from start to finish that is of more importance.
I have had the opportunity to talk story with Bernard D. Gomes, craftsman of woodcarving and owner of Hawaiʻi Wood Art and Crafts. Bernard is currently a maintenance worker at the Puʻukoholā Heiau National Historical Site and holds high reverence for the spiritual teachings from his kupuna (elders) of the Big Island. Bernard was born and raised in Hilo and grew up watching carving masters. At the time, he did not realize how this tradition would be so consuming and how important it was that he really “live” the teachings and not just “make it to sell it.”
The first is a lesson of humility, that one would see himself as a student of life always and to be open to constructive criticism, especially if it came from a kupuna. Other lessons include unconditional aloha, that one would live and love without stipulations that would stifle the flow of aloha. “It’s challenging to learn and live the traditional lessons in the modern world, where everyone is worried about profit and gain,” said Bernard. But, he finds a way to keep working his craft. He finds a way to put off the nonsense of the world, and just be one with his art. He finds a way to just be.
As with many cultural traditions, there are strong spiritual connections to nature. The process begins with choosing the materials to be carved. Bernard sits with that piece of wood, and prays and listens to it. “It will tell me what to carve,” he said. In true cultural tradition, he listens and puts his heart and soul into his work. Bernard carves not by his own will, but by what is moving his spirit. A true way to keep a tradition alive.
For more information on the art of wood carving, visit www.hawaii-wood-art---crafts.com, or contact Bernard Gomes at 808-895-6340 or at firstname.lastname@example.org. Until next time, aloha!
Original article URL on Page13: http://bigislandweekly.com/e-edition.php?i=2012/10/17#?page=13